Saturday, November 09, 2024
ബ്രഹ്മപുരം നിന്നുകത്തി കൊച്ചി നഗരം വിഷപ്പുകയ്ക്ക് കീഴടങ്ങി നിലവിളിക്കുന്ന ഈ നേരത്തെങ്കിലും നമ്മൾ ഇൻഡോർ മാതൃക ചർച്ച ചെയ്യാൻ തയ്യാറകണം.
ഇൻഡോർ
മധ്യപ്രദേശിലെ ഇൻഡോറാണ് രാജ്യത്തെ ഏറ്റവും വൃത്തിയുള്ള നഗ രം, സ്വച്ഛ് ഭാരത് മിഷൻറെ ക്ളീനസ്റ്റ് സിറ്റി പുരസ്കാരം തുടർച്ചയായി അഞ്ചാം തവണയും ഇൻഡോർ മുനിസിപ്പൽ കോർപ്പറേഷൻ കരസ്ഥ മാക്കി. സ്വച്ഛ് ഭാരത് എന്നുകേട്ടാലുടൻ പുച്ഛിച്ച് ചിരിയ്ക്കുന്ന മലയാളി കൾ ഇൻഡോർ ശുചിത്വമാതൃകയായി മാറിയ കഥ അറിയേണ്ടതുണ്ട്.
മധ്യപ്രദേശിൽ ഏറ്റവും കൂടുതൽ ജനസംഖ്യയുള്ള നഗരമാണ് ഇൻ ഡോർ. മറ്റെല്ലാ ഉത്തരേന്ത്യൻ പട്ടണങ്ങളേയും പോലെ ഒരുകാലത്ത് വൃത്തിയോ വെടിപ്പോ തൊട്ടുതീണ്ടാതെ പുഴുത്തു നാറിക്കിടക്കുക യായിരുന്നു ഈ നഗരവും. എന്നാൽ സ്വച്ഛ് ഭാരത് മിഷൻ എല്ലാം മാറ്റി മറിച്ചു. ഭരണകൂടവും മുനിസിപ്പൽ കോർപ്പറേഷനും വിവിധ സംഘട നകളും പൗരസമൂഹവും ഒരേ മനസ്സോടെ ഒന്നിച്ചിറങ്ങിയപ്പോൾ ശരിക്കുമുള്ള ശുചിത്വ വിപ്ളവത്തിന് തുടക്കമായി.
Click here to read the article 'Madani nna Vellariprav' written by Sajeev ala
ഉത്തരേന്ത്യൻ സംസ്ഥാനങ്ങൾ ബീഹാർ മധ്യപ്രദേശ് രാജസ്ഥാൻ ഉത്ത ർപ്രദേശ് പൊതുവെ 'ബീമാരു' അഥവാ രോഗി എന്നാണ് സംബോധന ചെയ്യപ്പെടുന്നത്. അവിടെനിന്നാണ് ശുചിത്വത്തിന്റെ വൃത്തിയുടെ വെടിപ്പിൻറെ അദ്ഭുതവാർത്തകൾ പുറത്തുവരുന്നത്. ഇൻഡോറും ഭോപ്പാലും ക്ളീൻസിറ്റി പുരസ്കാരത്തിനായി കടുത്ത മത്സരം നടത്തു ന്നു. നമ്മുടെ കൊച്ചിയും തിരുവനന്തപുരവും കോഴിക്കോടും ഒന്നും ശുചിത്വ നഗരങ്ങളുടെ ലിസ്റ്റിന്റെ ഏഴയലത്ത് പോലുമില്ല. ഫോർട്ട് കൊച്ചി ബീച്ച് പരിസരത്തെ വൃത്തികേട് കണ്ട് സഹികെട്ട് പാശ്ചാത്യ ടൂറിസ്റ്റുകൾ തന്നെ മാലിന്യങ്ങൾ നീക്കം ചെയ്യുന്ന പടം പത്രങ്ങളിൽ വരുന്നു. നീണ്ട് പരന്നുകിടക്കുന്ന സുന്ദരമായ കോഴിക്കോട് ബീച്ചിൽ നിറയെ വേസ്റ്റ് ബിന്നുകൾ ഉണ്ടായിരുന്നിട്ടും മാലിന്യങ്ങൾ വലിച്ചെറി യപ്പെടുന്നു. ഒരു കാലത്ത് വൃത്തികേടിൻറെ പര്യായങ്ങളായിരുന്ന റെയിൽവേ പ്ളാറ്റുഫോമുകൾ സ്വച്ഛ് ഭാരത് മിഷൻറെ കീഴിൽ ആകെ മാറിപ്പോയിരിക്കുന്നു.
സംശയമുള്ളവർ തൃശൂർ റെയിൽവേ സ്റ്റേഷനും കെഎസ്ആർടിസി ബസ് സ്റ്റാൻഡും ഒന്ന് സന്ദർശിച്ചാൽ വ്യത്യാസം സ്വയം ബോധ്യ പ്പെടും. ഇൻഡോർ ഒരു നഗരത്തിന്റെ ഇച്ഛാശക്തിയുടെ വിജയ പ്രതീ കമാണ്. നന്മകൾ ഏത് ദിക്കിൽ കണ്ടാലും ശ്രദ്ധിക്കണം, പഠിക്കണം, പകർത്തണം. മാലിന്യസംസ്കരണം പഠിക്കാൻ സ്വിറ്റ്സർലൻഡ്, അയർലൻഡ് സ്ക്കോട്ട്ലൻഡ് ഫിൻലൻഡ് തുടങ്ങിയിടങ്ങളിലൊന്നും പോകേണ്ട ഒരു കാര്യവുമില്ല. കോടികളുടെ ചെലവില്ലാതെ രണ്ടോ മൂന്നോ ലക്ഷം രൂപ മുടക്കിയാൽ ഇവിടുത്തെ ഒരു വിദഗ്ധ സമിതിക്ക് ഇൻഡോറിൽ പോയി വേസ്റ്റ് മാനേജ്മെന്റ് സംവിധാനം കണ്ടറിഞ്ഞ് മനസ്സിലാക്കാൻ കഴിയും. റഷ്യൻ ബോംബാക്രമണത്തിൽ അഗ്നിക്കി രയായി തീയും പുകയും മൂടിയ യുക്രൈൻ നഗരങ്ങളെ പോലെ കൊച്ചി സ്‌മോക്ക് സിറ്റി ആയി മാറിയ വാർത്ത CNNൽ വരെ വന്നിരി ക്കുന്നു. എൽഡിഎഫും യുഡിഎഫും മാറിമാറി ഭരിച്ച കോർപ്പറേ ഷനാണ് കൊച്ചി. അഞ്ചുവർഷത്തെ ഇടവേളയിൽ കൃത്യമായി ഭരണ മാറ്റമുണ്ടായ സംസ്ഥാനമാണ് കേരളം.
ബ്രഹ്മപുരത്ത് ഉയരുന്ന വിഷപ്പുകയുടെ പേറ്റന്റ് എല്ലാവർക്കും ഒരേപോലെ അവകാശപ്പെടാം.
Sajeev ala
യുക്തിവാദി 
