ഗസ ഒരു തുറന്ന ജയിൽ ആയിരുന്നോ?

ഗസ ഒരു തുറന്ന ജയിൽ ആയിരുന്നോ? വാചാടോപങ്ങൾക്ക് വസ്തുതകൾ വേണ്ടതില്ല. എന്നാൽ നമുക്ക് വസ്തുതകൾ നിർബന്ധമാണ്. പരിശോധിക്കാം.

1.1947-ലെ ഐക്യരാഷ്ട്ര സഭയുടെ ഇസ്രായേൽ ഭൂമിയുടെ വിഭജന പദ്ധതിയിൽ ഗാസയെ ജോർദാൻ നദിയുടെ പടിഞ്ഞാറുള്ള നിർദ്ദിഷ്ട അറബ് രാജ്യത്തിന്റെ ഭാഗമാക്കുമായിരുന്നു. എന്നിരുന്നാലും, അറബികൾ വിഭജന പദ്ധതി നിരസിച്ചു! എന്തുകൊണ്ടാവും ?

2.1948-ലെ അറബ് ഇസ്രായേൽ യുദ്ധത്തിൽ, ഇസ്രായേലിനെ ആക്രമിക്കാൻ വന്ന ഈജിപ്തും ജോർദാനും പാലസ്തീന്റെ പ്രദേശങ്ങളായ വെസ്റ്റ് ബാങ്കും, ഗസയും പിടിച്ചു കൊണ്ട് പോയത് എന്തിനാകും?

3. പാലസ്തീനിലെ - ഗസയുടെ 350 ചതുരശ്ര കിലോമീറ്റർ (sq. km) സ്ഥലവും, വെസ്റ്റ് ബാങ്കിന്റെ 5,640 ചതുരശ്ര കിലോമീറ്റർ (sq. km) സ്ഥലവും 1967 വരെ ഈജിപ്തും, ജോർദാനും കൈയ്യിൽ വച്ചത് ചരിത്രമല്ലേ ?

4. യഥാക്രമം, ഈജിപ്തോ ജോർദാനോ 1948 - 1967 കാലയളവിൽ കൈയ്യിൽ വച്ച സ്ഥലങ്ങൾ എന്ത് കൊണ്ട് ഭൂഭാഗത്തോട് ചേർക്കുകയോ, അവിടെയുള്ള പാലസ്തീനികൾക്ക് പൗരത്വം നൽകുകയോ, അഭയാർഥികൾ എന്ന നിലയിൽ എങ്കിലും പരിഗണിക്കുകയോ ചെയ്തിട്ടുണ്ടോ?

5.അന്നത്തെ കണക്ക് (1948 ) ഏതാണ്ട് 200,000 വരു പാലസ്തീൻ അഭയാർഥികൾക്ക് ഗസ1967 വരെ കൈയ്യിൽ വച്ചിരുന്ന ഈജിപ്ത് അഭയം കൊടുക്കാതിരിരുന്നത് എന്തായിരുന്നു ?ഈജിപ്തിന്റെ വലിപ്പം 1,001,450 ചതുരശ്ര കിലോമീറ്റർ ആണ്. ഗസയുടേത് 350 ചതുരശ്ര കിലോമീറ്റർ മാത്രം. അതായത്,ഈജിപ്ത്, ഗാസയെക്കാൾ ഏകദേശം 2,744 മടങ്ങ് വലുതാണ്.എന്നിട്ടും ?പാലസ്തീനിലെ "ജയിൽവാസികളെ"എന്തു കൊണ്ട് ഈജിപ്ത് രക്ഷിച്ചില്ല?

6. അത് പോട്ടെ, 1948 - 67 കാലയളവിൽ ജോർദാന്റെ കൈയ്യിലും, പിന്നീട് പാലസ്തീൻ അതോരിറ്റിയുടെ കൈയ്യിലും ഇരുന്ന വെസ്റ്റ് ബാങ്കിന്റെ വിസ്തീർണം 5,640 ചതുരശ്ര കിലോമീറ്റർ (sq. km) ആണ്, 360 ചതുരശ്ര കിലോമീറ്റർ (sq. km) മാത്രം വിസ്തീർണ്ണമുള്ള ഗസയുടെ ഏകദേശം 15.45% മടങ്ങ് വലുതാണ് എന്നിട്ടും എന്തേ അന്ന് വെറും 200,000-ൽ പരം വരുന്ന ഗസ അഭയാർഥികളെ എങ്കിലും വെസ്റ്റ് ബാങ്കിലേക്ക് മോചിപ്പിക്കാതിരുന്നത് ? അവർ തുറന്ന ജയിലിലെ അന്തേവാസികൾ ആയിരുന്നെങ്കിൽ ?

7.1967-ലെ പ്രതിരോധ യുദ്ധത്തിൽ അല്ലേ വെസ്റ്റു ബാങ്കും, ഗസയും ഈജിപ്തിൽ നിന്നും, ജോർദാനിൽ നിന്നും ഇസ്രായേൽ സ്വതന്ത്രമാക്കുന്നത് ?

8. 1973-ലെ യുദ്ധവിരാമ കരാർ അനുസരിച്ച്, ഇസ്രായേൽ പിടിച്ച മറ്റു സ്ഥലങ്ങൾ ആവശ്യപ്പെട്ട ജോർദാനും, ഈജിപ്തും, എന്ത് കൊണ്ടാണ് ഗസയും, വെസ്റ്റ് ബാങ്കും ആവശ്യപ്പെടാതിരുന്നത് ?. രണ്ടു കൂട്ടരും ശ്രമിച്ചിരുന്നെങ്കിൽ അന്ന് തന്നെ പാലസ്തീൻ രൂപം കൊള്ളുമായിരുന്നല്ലോ ? ഗസയിലെ " ജയിൽ അന്തേവാസികൾക്ക്" സ്വാതന്ത്യം ലഭിക്കുമായിരുന്നല്ലോ ! എന്തേ ചെയ്തില്ല?

9.1967-ൽ, ഇസ്രായേലിനു മേൽ അടിച്ചേൽപ്പിക്കപ്പെട്ട ആറ് ദിവസത്തെ യുദ്ധത്തിന്റെ ഫലമായി, ഗാസ മുനമ്പ് ഇസ്രായേലിന്റെ അധികാരപരിധിയിലായി.

10.1967 നും 1982 നും ഇടയിൽ ഗാസയിലെ സാമ്പത്തിക വളർച്ച പ്രതിവർഷം ശരാശരി 9.7% ആയിരുന്നു.ജന സംഖ്യാ കാര്യമായി വർദ്ദിച്ചു. ആരോഗ്യ രംഗം മെച്ചപ്പെട്ടു. ജൂതരും ഗസക്കാരും ഒരുമിച്ച് ജീവിച്ചു.

11.1987 ൽ അറബികൾ രക്തരൂക്ഷിതമായ ആദ്യത്തെ ഇൻതിഫാദ ആരംഭിച്ചു, അതിന്റെ ഫലമായി നൂറുകണക്കിന് ജൂത, മരണങ്ങൾ ഉണ്ടായി. ഹാമാസ് പിറന്നു വീണു.

12.1994-ൽ, ഓസ്ലോ ഉടമ്പടി ഒപ്പു വച്ചതിനെത്തുടർന്ന് ഗസയുടെ നിയന്ത്രണം, കൊലപാതകിയും മരണ ഭ്രാന്തനും, അഴിമതി വീരനുമായ യാസിർ അറാഫത്തിന്റെ പി‌എൽ‌ഒയ്ക്ക് (ഇപ്പോൾ പലസ്തീൻ അതോറിറ്റി) ലഭിച്ചു.

13. 2000-ൽ രണ്ടാം ഇന്തിഫാദ അറബികൾ ആരംഭിച്ചു. ഇസ്രായേലിലും, ഗസയിലും, വെസ്റ്റ് ബാങ്കിലുമായി ആയിരക്കണക്കിന് ജൂതൻമ്മാർ കൊല ചെയ്യപ്പെട്ടു.

14. 2005 - ഇസ്രായേൽ ഏകപക്ഷീയമായി ഗാസ മുനമ്പിൽ നിന്ന് പൂർണ്ണമായും പിൻവാങ്ങി, 21 പട്ടണങ്ങളിൽ നിന്ന് 9000-ത്തിലധികം ജൂതന്മാരെ ബലമായി പുറത്താക്കി. ഫിലാഡൽഫി റൂട്ട് എന്നറിയപ്പെടുന്ന സ്ട്രിപ്പിന്റെ തെക്കേ അറ്റത്ത് നിന്ന് ഇസ്രായേൽ സേന പിൻവാങ്ങി, പൂർണ്ണ അതിർത്തി നിയന്ത്രണം ഈജിപ്തിന് കൈമാറി. അങ്ങനെ, ഒരു പുതിയ യുഗം ആരംഭിച്ചു.

15.2006 ന്റെ തുടക്കത്തിൽ ഗാസയിൽ തിരഞ്ഞെടുപ്പ് നടന്നു, ഹമാസ് ഭൂരിപക്ഷം നേടി. അടുത്ത ഒന്നര വർഷക്കാലം ആഭ്യന്തര പോരാട്ടങ്ങൾ നടന്നു, അതിന്റെ ഫലമായി ആയിരക്കണക്കിന് ഗാസ നിവാസികൾ സ്വന്തം കൈകളാൽ കൊല്ലപ്പെട്ടു, 2007 മധ്യത്തോടെ ഹമാസിന് മുനമ്പിന്റെ പൂർണ നിയന്ത്രണം ലഭിച്ചു.

16. 2006 - മുതൽ, ഗാസ പൂർണ്ണമായും സ്വയംഭരണാധികാരമുള്ളതായി. ഉൺട്രാ, യൂറോപ്യൻ, അറബ് സഹായ പണം കുത്തി ഒഴുകിയെത്തി, സിംഗപ്പൂരിൽ മോഡലിൽ അഭിവൃദ്ധി പ്രാപിക്കുന്ന ഒരു മിഡിൽ ഈസ്റ്റിനുള്ള വേദിയൊരുങ്ങി.അ അന്നും തുറന്ന ജയിൽ !?

17. ഗസയുടെ വിദ്യാഭ്യാസം, സാമൂഹിക സുരക്ഷ,ആരോഗ്യം എന്നിവയുടെ ബഡ്ജറ്റ് ഐക്യരാഷ്ട്ര സഭ നിശ്ചയിച്ചു നൽകി. യു എന്നും,യൂറോപ്പും ചേർന്ന് 300 സ്കൂളുകളും (ആകെ 850 സ്കൂളുകൾ, സർക്കാർ, ഹമാസ് സ്കൂളുകൾ ഉൾപ്പെടെ) 350 ച: കി: വിസ്തീർണ്ണത്തിൽ (ആലപ്പുഴ ജില്ലയുടെ 4/1 ഭാഗം ) 30 ആധുനിക ആശുപത്രികളും സ്ഥാപിച്ചു. സർക്കാർ അർഥ സർക്കാർ ആശുപത്രികൾ വേറെ. അന്നും തുറന്ന ജയിലാണ് !?

18. ഹമാസ് ഒരിക്കലും അവരുടെ ഭീകര സ്വഭാവം മറച്ചുവെച്ചില്ല, അവരുടെ ചാർട്ടർ ഇസ്രായേലിന്റെ പൂർണ്ണമായ നാശത്തിന് ആഹ്വാനം ചെയ്തു. അതിനായി മാത്രം യു എൻ ഫണ്ടും, വിദേശ സഹായങ്ങളും ഉപയോഗിച്ചു. അത് ശരി, ഒരു തുറന്ന ജയിലിൽ!?

19.2006 മുതൽ, ഗസയിൽ നിന്ന് ആയിരക്കണക്കിന് റോക്കറ്റുകൾ ഇസ്രായേലിലേക്ക് പ്രവഹിച്ചു. നൂറ് കണക്കിന് മരണങ്ങൾ ഉണ്ടായപ്പോൾ ബില്യൺ കോടി ഡോളറുകൾ മുടക്കി അവർ അയൺ ഡോം സംവിധാനം ഉപയോഗിച്ചു. അതെ, തുറന്ന ജയിൽ തന്നെ !?

20. ഹമാസ്, ഇസ്രയേലി പൗരൻമ്മാരെ തട്ടിക്കൊണ്ടുപോയി വില പേശി. പലപ്പോഴും ഇസ്രായേൽ അതിന് മുന്നിൽ വഴങ്ങി. ഇടക്കു തിരിച്ചടിച്ചു. അതിൽ പ്രധാന ഹമാസ് നേതാക്കൾ കൊല്ലപ്പെട്ടു. തുറന്ന ജയിൽ !?

21. ഇതിനിടയിലും, 1967-ലെ യുദ്ധത്തിനുശേഷം, ഇസ്രായേലി കൃഷിയിടങ്ങളിൽ ജോലി ചെയ്യുന്നതിനായി ആയിരക്കണക്കിന് പലസ്തീനികൾ ദിവസവും അതിർത്തി കടന്ന് എത്തിയിരുന്നു. 2022-ൽ, ഗാസയിൽ നിന്നുള്ള 17,000 തൊഴിലാളികൾക്ക് തൊഴിൽ അനുമതികൾ അനുവദിച്ചു. അതെ, തുറന്ന ജയിലിൽ നിന്നുള്ളവർക്ക് !?

22.ഇസ്രായേൽ അതിർത്തിയിൽ നിന്ന് ആയിരക്കണക്കിന് വാഹനങ്ങൾ ഗസയിലേക്കും, തിരിച്ചും വന്നു കൊണ്ടേ ഇരുന്നു. പച്ചക്കറികളും, പലവകകളും, ഇസ്രായേൽ ഉത്പന്നങ്ങളും മരുന്നും ഒക്കെയായി ഗസയിലെ കുപ്രസിദ്ധമായ "ഹിറ്റ്ലർ 2 "എന്ന ജൂതവിരുദ്ധ കടകൾ വരെ ലാഭം കൊയ്തു. ഹമാസ് നേതാവ് ഇസ്മായിൽ ഹനിയയുടെ കുടുംബം ഇസ്രായേൽ ആശുപത്രികളിൽ ചികിൽസ തേടി എത്തി. തുറന്ന ജയിൽ തന്നെ!?

23. 15 വർഷത്തിനിടെ ഏകദേശം കാൽലക്ഷം യുവ ഗാസക്കാർ വിദേശത്തേക്ക് പോയിട്ടുണ്ടെന്ന് അത് അവർ തന്നെ അവകാശപ്പെട്ടു. 15,000-ത്തിലധികം പ്രവാസികൾ പെരുന്നാളിനായും ആഘോഷങ്ങൾക്കായും ഗാസ മുനമ്പിലേക്ക് മടങ്ങിയെത്തുന്നു, "ജയിൽ സന്ദർശിക്കാൻ" അവർ അത്രയ്ക്ക് ആവേശഭരിതരായിരുന്നു, ഉത്സവത്തിനായി മാർക്കറ്റുകൾ ധാരാളം കന്നുകാലികളാൽ നിറഞ്ഞിരിക്കുന്നുവെന്ന് അവർ തന്നെ റിപ്പോർട്ട് ചെയ്തു. തിരിച്ച് ഒരു "ജയിലിൽ " പോകാൻ ഭയങ്കര തിരക്ക് അനുഭവപ്പെടുന്നതായി അനുഭവപ്പെട്ടു.

24. 2021-ൽ, ഗാസയ്ക്ക് കീഴിൽ 500 കിലോമീറ്റർ (311 മൈൽ) നീളമുള്ള തുരങ്കങ്ങൾ നിർമ്മിച്ചതായി ഹമാസ് അവകാശപ്പെട്ടു. അതിന്റെ ജഗ്ഷനുകൾ യൂറോപ്യൻ, യു എൻ എയ്ഡ് ആശുപത്രികൾ, ഓഫീസുകൾ, സ്കൂളുകൾ, അഭയാർഥി കേന്ദ്രങ്ങൾ, എന്നിവയിലേക്ക് തുറക്കുന്നു. ഒരു തുറന്ന ജയിലിൽ തുരങ്കങ്ങൾ നിർമ്മിക്കാൻ തൊഴിലാളികൾ നന്നേ കഷ്ടപ്പെട്ടിട്ടുണ്ട്.

25. ഈജിപ്തും ഇസ്രായേലും ഒരു പരിധിവരെ ഉപരോധം ഏർപ്പെടുത്തിയിട്ടുണ്ടെങ്കിലും, ഇത് ഭക്ഷണത്തിനും മരുന്നിനും ക്ഷാമം സൃഷ്ടിച്ചിട്ടുണ്ടെന്ന അവകാശവാദം ഉണ്ടായിരുന്നിട്ടും, ഗാസയിലെ ആ ചെറിയ പ്രദേശത്ത് ആയിരക്കണക്കിന് റോക്കറ്റുകളും പരിധിയില്ലാത്ത മെഷീൻ ഗണ്ണുകളും വെടിയുണ്ടകളും മൈലുകൾ നീളമുള്ള ഭൂഗർഭ തുരങ്കങ്ങൾക്ക് ആവശ്യമായ സിമന്റും, സാമഗ്രികളും, യു എൻ ജലസേജനത്തിന് നൽകിയ പൈപ്പുകളും " തുറന്ന ജയിലിൽ " ഉണ്ട്.

26.ഇസ്രായേലിന്റെ "കര, ജല, കടൽ ഉപരോധം" കാരണം ഗാസ നിവാസികൾക്ക് അർഹമായ സാധനങ്ങളും സേവനങ്ങളും നിഷേധിക്കപ്പെട്ടിട്ടുണ്ടെന്ന് ഹമാസ് പ്രചാരകർ വാദിക്കുന്നു, എന്നാൽ ഗാസയിലേക്ക് ഒരോ പോരാളികൾക്കും ആയുധങ്ങൾ ഉണ്ട്. മിസൈലുകൾ ഉണ്ട്. അത്യാധുനിക ഭികര വിനിമയ സാദ്യതകൾ ഉണ്ട്. ഹമാസ് പ്രൊപ്പഗന്റാ മിഷണറികൾക്കായി ധാരാളം റേഡിയോകളും, ടി വി ചാനലുകളും, വിദേശ മാധ്യമങ്ങൾക്കായി പ്രൊപ്പഗന്റാ വിതരണം ചെയ്യാൻ നൂറ് കണക്കിന് ഹമാസ് മാധ്യമ പ്രവർത്തകരും, എയ്ഡുകൾ മോഷ്ടിക്കുന്ന ഹമാസ് ഗുണ്ടകളും ഉണ്ട്. എന്നാലും ഹമാസ് പക്ഷപാതികൾക്ക് ഇതൊരു ജയിലാണ്.

27. 2007 മുതൽ ഈജിപ്ത് ഗാസ അതിർത്തിയിൽ റഫാ കടവ് നിയന്ത്രണ വിധേയമാക്കി. ഹമാസ് ഗാസയിൽ അധികാരം പിടിച്ചെടുക്കുന്നതോടെ, ഈജിപ്ത് ആ അതിർത്തിയിൽ ഭിത്തിയും താടിക്കമ്പികളും തുരങ്ക നിരീക്ഷണ സംവിധാനവും സ്ഥാപിച്ചു. 2020–21 കാലഘട്ടത്തിൽ, ഈജിപ്ത് കിടിലൻ കോൺക്രീറ്റ് മതിലുകൾ പുനർനിർമ്മിച്ചു – അധികം ഉയരമുള്ളത്, തുരങ്കങ്ങൾ തടയാനായി ഭൂഗർഭ സെൻസറുകളും സ്ഥാപിച്ചിരിക്കുന്നു.എന്താണ് കാരണം ? "തുറന്ന ജയിലിൽ" നിന്നുള്ള ജീവ ഭയം തന്നെ.

28.ജോർഡാന്റെയും പടിഞ്ഞാറൻ തീരത്തിന്റെയും (West Bank) അതിർത്തി വലിയതോതിൽ ഇസ്രായേലിന്റെ നിയന്ത്രണത്തിൽ ആണ്. എന്നാൽ ജോർഡാൻ നദി ഒഴുകുന്ന പ്രദേശം അതിർത്തിയാകുന്നതിനാൽ, ജോർഡാൻ തങ്ങളുടെ ഭാഗത്ത് ശക്തമായ അതിർത്തി സുരക്ഷ വർദ്ധിപ്പിക്കുന്നു. പാലസ്തീൻ അഭയാർത്ഥികൾ, ചാരവൃത്തി, തീവ്രവാദം എന്നിവയുടെ ഭയം മൂലം, കൈറോസ് മതിൽ, സെൻസർ സംവിധാനങ്ങൾ, നിരീക്ഷണ ടവർ തുടങ്ങിയവ 1990-കളിൽ മുതൽ തന്നെ അവിടെ ഉപയോഗത്തിലാണ്. എന്താണ് കാരണം ? ഗസയെന്ന "തുറന്ന ജയിലിൽ" നിന്നുള്ള ജീവ ഭയം തന്നെ.

29. ഇതൊക്കെ ഉണ്ടായിട്ടും, സിറിയയിൽ നിന്നും, ഈജിപ്തിൽ നിന്നും, ജോർദാനിൽ നിന്നും, ഇറാനിൽ നിന്നും പോരാളികളും, മിസൈലുകളും, ആധുനിക മിഷ്യൻ ഗണ്ണുകളും, "തുറന്ന ജയിലിലേക്ക് " ഒഴുകി. ഇതെല്ലാം ജൂത രാഷ്ട്രത്തിന്റെ നെഞ്ചിലിട്ട് പൊട്ടിക്കുന്നു. എന്നിട്ടും, ഹമാനസർക്ക്, ഗസ ഒരു "തുറന്ന ജയിൽ " തന്നെയാണ്.

30. ഈ "തുറന്ന ജയിലിൽ" നിന്നാണ് ഒക്ടോബർ 7 ന് വെളുപ്പിന് ഒരു കൂട്ടം ഭീകരർ ഇസ്രായേലിൽ കടന്നു കയറി ആയിരങ്ങളെ നിഷ്ടൂരമായി കൊന്നതും, 250-ൽ പരം ആളുകളെ ബന്ധിയാക്കിയതും. അത് വച്ച് ഇപ്പോഴും വില പേശുന്നതും, എന്നിട്ടും ഇപ്പോഴും ഗസ ഒരു "തുറന്ന ജയിൽ" ആണത്രേ !

31. മെഡിറ്ററേനിയൻ കടലിന്റെ കിഴക്കൻ തീരത്തുള്ള ഒരു ചെറിയ ഇടുങ്ങിയ ഭൂപ്രദേശമാണ് ഗാസ മുനമ്പ് , വെറും 365 ചതുരശ്ര കിലോമീറ്റർ. കഴിഞ്ഞ നൂറ്റാണ്ടിൽ ജനസംഖ്യ ഏകദേശം 2 ദശലക്ഷം ആളുകളായി വർദ്ധിച്ചു, ആർക്കും വേണ്ടാത്ത 2 ദശലക്ഷം ആളുകൾ, അറബ് നേതൃത്വം അവരെ കരുക്കളായി ഉപയോഗിക്കുന്നു. എന്നിട്ടും ഇപ്പോഴും അത് ഇസ്രായേലിന്റെ തുറന്ന ജയിലായി ബുദ്ധിജീവികൾ കൊണ്ടാടുന്നു.

32. ഇസ്രായേൽ ഗാസയുമായുള്ള അതിർത്തി സുരക്ഷിതമാക്കുന്നു എന്നത് വസ്തുത തന്നെയാണ്. എല്ലായ്പ്പോഴും അങ്ങനെ ചെയ്തിട്ടുണ്ട്. ഇതിനുള്ള കാരണം സുരക്ഷയാണ്. കഴിഞ്ഞ 17 വർഷമായി ഇസ്രായേൽ അതിർത്തി തുറന്നിടാൻ അനുവദിച്ചിരുന്നെങ്കിൽ എന്ത് സംഭവിക്കുമെന്ന് നമ്മൾ സങ്കൽപ്പിക്കേണ്ടതില്ല. വാരാന്ത്യത്തിൽ കുട്ടികളെ തലയറുത്ത്, പ്രായമായവരെ ബന്ദികളാക്കി, സമാധാനപരമായ സമൂഹങ്ങളിൽ വിവേകശൂന്യമായ അക്രമം എന്നിവയിലൂടെ നാം അത് ഭയാനകമായ യാഥാർത്ഥ്യത്തിൽ കണ്ടു.

ലിബറൽ പാശ്ചാത്യന്മാർ, ഇവിടുത്തെ ബുദ്ധി ജീവികൾ ഒരു "തുറസ്സായ ജയിൽ" സൃഷ്ടിക്കുന്നുവെന്ന് ആരോപിക്കുന്നത് ഒഴിവാക്കാൻ ഇസ്രായേൽ എന്തുചെയ്യണം, അവരുടെ സിവിലിയന്മാരെ കശാപ്പ് ചെയ്യാൻ അനുവദിക്കുക? ഇന്ത്യയുടെ അയൽവാസി രാജ്യം ഇങ്ങനെ നിരന്തരം ചെയ്യുന്നു എങ്കിൽ ഇന്ത്യ എന്ത് ചെയ്യണമെന്ന് ചിന്തിക്കുക.

KT Nishanth